علم zamalektoday.com ان ادارة نادى الزمالك، تفكر بجدية فى بيع اللاعب المغربى اشرف بن شرقى لاعب الفريق فى شهر يناير القادم.
هذا التفكير فى حال لم تنجح الادارة فى تجديد تعاقده، مع النادى والذى ينتهى بنهاية الموسم القادم.
ولنا هنا كلمة : بيع أشرف بن شرقى فى يناير لن ياتى بمبالغ كبيرة كما يتصور البعض، فالبلدى كدا اللى بيلعب فى دماغ بن شرقى هيستنى يأخده بعد الست شهور دول ببلاش.
وفكرة انا انا أقعد اتفاوض مع لاعب من دلوقتى ليناير علشان يمضى معايا دى فكرة مرفوضة، ومتنسوش ان دا نادى الزمالك.
فالافضل واللاعب هنا أهه ومن دلوقتى، هتجدد بكذا وكذا وكذا.. هيقول لا انا عايز شروط كذا وكذا وكذا.
احنا نقولة مش مناسبنا هات عرض ياابنى وامشى دلوقتى، أبيع سنه فى عقده انما 6 شهور مش هتجيب فلوس.
وكمان علشان الحق اتعاقد مع بديل له كويس، ومحدش ينسى ان بن شرقى أساسا فى اخر 7 ماتشات فى الدورى مظهرش أساساً وكان بيلعب من غير مزاج على غرار ساسى.
فألحق أستفيد منه وأدور على بديل.. انما أستنى ليناير، هو كمان هيستنى لاخر الموسم.
أظن الرساله واضحه من الزمالك اليوم، وباللغه العاميه خالص أهه .. شاركونا برأيكم
