علق أحمد جعفر مهاجم الفريق الاول الكروى بالنادى سابقاً، على الاحداث الصعبه الذي يمر بها الزمالك خلال الفترة الحاليه.
وطالب وزير الشباب والرياضة أشرف صبحي من خلال منشور على صفحته الشخصيه على موقع التواصل الاجتماعى "فيس بوك":
وكتب: كل الاندية عارفين مواعيد انتخاباتهم الا نادي الزمالك لجنة ورا لجنة و حتي المخالفات الي كانو بيقولو عليها مش موجودة واتحكم برجوع المجلس المنتخب هيتنفذ امتي مش عارفين
ياريت سيادة وزير الرياضة يطلع ويفهمنا ليه نادي الزمالك بس الي مبيحصلش فيه الطبيعي و ده من حقنا نعرفه ..
احنا من حقنا نستقر زي باقي الاندية و ده الطبيعي احنا عاوزين انتخابات علشان يبقي في استقرار كل العالم شغال كدة علشان نعرف نحاسب المجلس الي موجود و نادي الزمالك كبير و ليه جماهير عريضة و عظيمة و بقالنا ٢٠ سنة في نفس الاوضاع مفيش نادي في العالم يستحمل كم المشاكل دي و من حقنا الاستقرار ثم الاستقرار ثم الاستقرار و مش هيجي غير بمجلس منتخب يشتغل و يتحاسب مفيش لجنة مهما كانت هتشتغل زي مجلس منتخب و يا ريت حد يقولنا نادي غير نادي الزمالك محصلش فيه انتخابات ..
ارحمو نادي الزمالك بجد كفايه كدا
نفسي اشوف رئيس كام سنه ورا بعض من غير حل ووجع قلب زي ما بيحصل في بقيت الانديه ولا هوه حرام مش فاهمين ولا لما تيجي تحل مجلس نادي تاني الدنيا تقوم وكله يتشال علشان الدنيا تمشي لاكن الزمالك لازم يتحل ولجان وشغلانه حضرتك والله
لك الله يا زمالك وجماهيرك
