دار حوار ساخن بين الشاعر أيمن بهجت قمر وأحمد عيد عبد الملك نجم الزمالك السابق تعليقا على مباراة القمة الأخيرة فى الدورى.
أيمن بهحت قمر المعروف بانتماؤه للنادى الاهلى تحدث عبر تويتر قائلا :
يعني ايه بعض من جماهير الزمالك عاملين هجمه على حماقي وعليا وعلى اي حد يهزر ويحتفل بفوز فريقه ..يعني ايه اراعي مشاعر المنافس دي ! شوفتوها فين قبل كده ! وهل حقك انت ورموزك الزملكاويه تهزروا او تهاجموا واحنا لا مثلا ! عيب كبروا دماغكم بلاش مبالغه دي كوره انا معرفش الجيل ده over اوي
ويرد أحمد عيد عبد الملك قائلا: اما تيجي تكسب و تحفل يقولولك لا عيب انت مش جمهور انت شخصية عامة و ليك متابعينك و بتخلق التعصب بين الجماهير و دار الافتاء تطلع بفتاوي و التحفيل حرام شرعاً و يحاسبونا و احنا لسة عايشين علشان بتحفل عليهم و طبعاً الكلام ده لينا بس
ليعود أيمن بهجت قمر للرد قائلا: انت مصدق اللي بتقوله ! يعني انت تهزر وتقول خمسه الصبح وخمسه فرفشه ويبقى حرام لكن الخوض في الذمم في رموز الاهلي والتحفيل وقت الدوري حلال ! بقيتوا صعبين اوي بس العيب ع اللي زرعوا نظريات المؤامره عشان تبقى مبرر لسوء النتايج اللي معظم الوقت بتعانوا منه
الحوار الساخن استمرارا لتداعيات خسارة الفارس الأبيض من الأهلى "وصيف الدورى" الموسم الماضى بنتيجة خمسة مقابل ثلاثة أهداف فى مباراة للنسيان بالنسبة للزمالك.