حرص عصام عبدالفتاح رئيس لجنة الحكام باتحاد الكرة المصري، الرد على بيان النادي الاهلي بشأن اتخاذ الإجراءات التي تحفظ حق الأحمر في تصريحات محمد عادل حكم القمة.
وقال عصام عبد الفتاح مع الإعلامي أحمد شوبير عبر قناة أون تايم سبورت :
مينفعشي لما يطلع حد يتكلم بنية طيبة وبشكل عفوي يتحور بشكل ثاني..إحنا سمحنا للحكم يتكلم معاك يا كابتن شوبير علشان ياخد حقه زي ما باقي زملاءه اللي حكموا مباراة القمة الموسم اللي فاتت وحضرتك استضفتهم كمان.
محمد عادل بيقول المباراة جت في وقت معين حصل توتر للعيبة وبلغ الحكام انهم لازم يعملوا إدارة للمباراة بشكل كويس، هل الحكم في طرد محسبوش؟ بلن محسبوش؟ ليه الحملة دي كلها.
وواصل: الحكم محمد عادل قدم مباراة كبيرة في القمة غصب عن أي حد، ومفيش مخلوق في مصر يقدر يتدخل في عمل لجنة الحكام والتحدي أي مسئول يكذب كلامي.
وبقول للمحايدين يسمعوا تصريحات الحكم بشكل كامل بعد كده يحكموا بلاش نسمع جزء ونسيب جزء ده شغل ناس قاصده وفاهمه بتعمل أية وعرضهم أيه.
محمد عادل قال معاك يا كابتن شوبير نصا لو في خطأ أو طرد أو ركلة جزاء غير محتسبه الفار بيراجعني فيها والكلام بيبقى مسجل.