علق الاعلامى خالد الغندور على نتيجة واداء مباراة الزمالك اليوم امام فريق الوداد المغربى.
هذه المباراة التى انتهت بهزيمة الزمالك اليوم، وفقدان فرصته فى التاهل للدور القادم.
خالد الغندور وفى تصريحات لزمالك اليوم قال :
انا عندي رسالة لجماهير نادي الزمالك، متزعلوش لأن الزعل لو أحنا نستحق للاسف الوداد هو من يستحق الفوز اليوم، لديهم روح وتنظيم.
الزمالك اليوم بعيد عن كل حاجة مفيش روح ولا إداء، أنت مغلوب من بترو أتليتكو بهدفين على ملعبك، وتتعادل مع سيجرادا وتخسر من الوداد رايح جاي.
القصة مش قصة مدير فني، فيريرا مدرب كبير وأحسن من كارتيرون بكل تأكيد، لكن المشكلة مشكلة لاعبين.. من غير ما حد يزعل السنة دي الفوز ببطولة صعب جدا.
هل معقول الزمالك لعب 4 مباريات مكسبش ولا ماتش ! .. ليه عدم التجديد لطارق حامد رغم أنه ملعبش، طارق مصاب وأنا متأكد أنه مصاب، لكن عدم التجديد لطارق يبقى طارق طلب مبلغ مالي كبير خصوصا أنه في سنه غير مقبول.
أشرف بن شرقي طلب من الزمالك مبلغ مليون دولار و200 ألف دولار، أشرف بن شرقي غريب وبيلعب بالشوكة والسكينة كأنه مش عايز يزعل جمهور الوداد المغربي، قولا واحدا أشرف بن شرقي أسوء لاعب اليوم.
أنا أثناء تواجدي كلاعب منذ 12 سنة شاركنا في 10 نسخ ولم نخسر أي مباراة على ملعبنا، مش عارف بصراحة أقول أية للاعبي الزمالك.
أشرف بن شرقي لعب بكارت خطير، كل شوية هنديك كذا فميكونش في أجابة، أشرف بن شرقي جعل جمهور الزمالك داعم لقرار مجلس الادارة برحيله.
ابو جبل من بعد العودة لبطولة أفريقيا مش مركز خالص، وكل شوية أخوه جاي علشان نتفاوض.. نتمنى التوفيق لأشرف بن شرقي لأي نادي يروحه ومستواه الحالي لا يؤهله.
الزمالك بحاجة ل5 لاعبين محترفين على مستوى عالي، كل المحترفين الحالين مش على مستوى الزمالك سواء أوناجم أو المثلوثي أو بن شرقي أو رزاق سيسية او الجزيري، كل التوفيق لهم.
أتمنى تجديد التعاقد مع طارق حامد، ولازم نتعاقد مع لاعب وسط لأن طارق حامد عامل السن هيؤثر عليه الفترة الجايه.
اليوم الزمالك أخطا وضيع فرص، معرفش أزاي عمر السعيد يضيع كرة زيي دي، وضربة جزاء بدون ما الوداد يتعب.
أنا مع معظم قرارات مرتضى منصور ، لكن فكرة أننا نلعب بفريق 2003 صعبة جدا لسه في بطولة دوري والمنافسة قوية.