حرص أحمد مخلوف مسئول السوشيل ميديا بنادي الزمالك، التعليق على خسارة الفريق الكروي الأول لكرة اليد أمام نظيره الأهلي ببطولة السوبر الافريقي.
ونشر مخلوف عبر حسابه الشخصي بموقع التواصل الاجتماعي فيسبوك وتبادل التغريدات القصيرة تويتر :-
الزمالك طوال المباراة متقدم وفي وقت من الاوقات كنت متقدم ب4 اهداف ولحد اخر دقيقة ونص الزمالك هو المتقدم انت خسرت في اخر دقيقة هل ده ليه علاقة بالتدعيم ؟.. انت دعمت بالمركز اللي المدرب طلبه وده الطبيعي انك توفر طلبات المدير الفني
ودي تانى مرة السنة دي تخسر ماتش في ايدك وبتاعك في آخر ثواني رغم انك طول المباراة بتكون متقدم وواضح أن سهولة المباراة بتخلي في ثقة زيادة عند اللاعيبة.
ومش لازم الناس تنسى أن المنافس بتاعك بيصرف ملايين الملايين كل موسم على اللعبة دي ومش عارف يعمل حاجة وطبعا ده خلي كل اتحادات اللعبة من اول رئيس الاتحاد الدولي لحد بتاع الاتحاد المحلي بيساندوه وبيحاولوا يخلوه يكسب بطولة بأي شكل.
في النهاية الفريق ده له رصيد كبير عندنا لأنه دايما بيفرحنا واتمنى يعوضوا جماهيرهم وانا واحد منهم ببطولة افريقيا.