أشار الناقد الرياضى خالد طلعت الى نقطة مهمة فى مسألة استدعاء عدد من اللاعبين لقائمة منتخب مصر التى سافرت الى مالاوى لخوض مباراة أثيوبيا لتعويض غيابات الفريق لاسباب مختلفه.
وعبر صفحته الشخصية على موقع التواصل الاجتماعى فيس بوك كتب خالد طلعب قائلاً :
فيه حاجة ناس كتير ماخدتش بالها منها مع ايهاب جلال .. ايهاب جلال أول لما مسك منتخب مصر أعلن قائمة مبدئية فيها 44 لاعب.
وكان فيها وجوه جديدة كتيرة، وبعد كده استبعد منهم 15 لاعب وأعلن القائمة النهائية 29 لاعب.
بعد كده حصل اصابات لبعض اللاعبين وكان محتاج يضيف لاعيبة جديدة، الطبيعي والمفترض انه كان يضم لاعبين من الـ15 لاعب اللي كانوا في القايمة المبدئية.
لكن هو ماعملش كده، راح جاب كريم حافظ وجاب باهر المحمدي من البيت ودول مكانوش في القايمة أساسا، رغم ان القايمة المبدئية كان فيها 3 مساكين علي جبر ومحمود مرعي ومصطفى الزناري سابهم كلهم وراح جاب باهر المحمدي من بره.
رغم ان الفترة دي مكانش فيها ماتشات خالص وباهر وكريم حافظ ملعبوش اي ماتشات ومستواهم زاد مثلا او ايهاب جلال شافهم فغير رأيه !!!!!
ملحوظة : تامر النحاس وكيل ايهاب جلال هو وكيل باهر المحمدي