علق الإعلامي عمرو أديب، على وضع الكرة المصرية الحالى فى ظل حالة التخبط التى نعيشها بسبب اتحاد الكرة المصرى وبسبب فشلة الذريع على كافة الاصعده.
تصريحات جمال علام رئيس الاتحاد المصرى بالامس والغير مسئوله عن البحث عن مدربين أجانب لتولى مهمة قيادة منتخب مصر، ثم الحديث عن بعد ذلك انه لا إقاله لايهاب جلال، جعل الجميع يخرج عن صمته.
عمرو أديب وعبر برنامجه التلفزيونى قال : هو فى ايه يا جماعة، هى البلد دى ملهاش صحاب، علشان يتعمل فينا كدا.
جيبت ايهاب جلال ماتشين، وقولت مش هينفع، يمشى، لا يقعد ماتش كوريا لو كسب يقعد، هو فى كدا يا جماعه.
هى فى كورا بتدار كدا، احنا فعلاً نستاهل اللى احنا فيه، والموضوع ملوش علاقة بايهاب جلال، انت معاه ولا ضده، هو مدرب كويس، لكن انت جايب مدرب لمنتخب مصر عمره ما خد بطولة كأس او دورى مع اى نادى دربه.
وواصل : ايه العظمة فى انكم بتحرقوا دمنا، احنا ليه بيتعمل فينا كدا، فين اسلوب الادارة، وفين التخطيط لتطوير الكرة المصرية.
وعايز اعرف ايه اهمية مباراة كوريا، علشان نلعبها، طبعاً هنحترم عقودنا ونلعبها لكن ملهاش لازمة.
احنا فى خرابة، محمد شوقى على خلاف مع ايهاب جلال، وحرام والله اللى بيجرى فينا دا.