كشف الناقد الرياضى عمرو الدردير عن واقعه تخص احد اللاعبين الشباب ويدعى نور الدين البحّار ويلعب فى اتحاد جده السعودى، مع النادى الاهلى.
وعبر صفحته الشخصية على موقع التواصل الاجتماعى فيس بوك كتب عمرو الدردير قائلاً وشارحاً الواقعه :
ده لاعب مصري شاب إسمه نور الدين البحّار بيلعب في اتحاد جده السعودي و اللي ملتزم بعقد معاهم لموسمين كمان.
اللاعب حاليا في معسكر لمنتخب مصر الشباب، من يومين اللاعب تواصل مع إدارته بيشتكيلهم إن أمير توفيق مدير التعاقدات في الاهلي دخل المعسكر وقعد معاه وحاول يمضيه وقاله إمضي بس واحنا هنحل مشكلتك مع النادي السعودي.
ادارة اتحاد جده بعتت جواب للاتحاد المصري بتطالب بفتح تحقيق في الموضوع علشان تتفاجئ ان اللاعب بيكلمهم النهارده تاني وبيقولهم امير توفيق طلب يقعد معاه تاني.
علشان ادارة إتحاد جده تؤمر اللاعب يسيب المعسكر حالا ويتجه لجده وتوعدت لو أي حد اتعرضله علشان مايسافرش هتفضح كل الحقائق.