وجه مرتضى منصور رئيس النادى الشكر الى البرتغالى فيرريا المدير الفنى للفريق، على جهوده مع الفريق خلال الفترة الماضية، مؤكداً ان الزمالك أطلق اسمه على إحدى الحدائق بالنادى، وسيتك كتابة الاسم باللغتين العربيه والانجليزيه.
وعن جمهور الزمالك بالامس، والذى وفر له النادى أتوبيسات للذهاب للجونه لدعم الفريق قال منصور : احنا حاولنا تسهيل الامر على جمهورنا، وفى ناس كانت بتسخر مننا امبارح، على الاقل احنا كنا بنسعى الى اراحة الجمهور، ووفرنا لهم وجبات من فلوس النادى، غيرنا خلى جمهوره بيدفع اقساط لحد دلوقتى.
90% من الجمهور اللى سافر كان وايت نايتس، اللى عرفوا دلوقتى ان مرتضى منصور محترم، بعد الكدب اللى كانوا فاهمينه عنى عن طريق عباس وغيره.
وسخر منصور من كثره بيانات النادى الاهلى للاعتراض على التحكيم، ومما يحدث فيه مطالباً الوزير، بتقرير المخالفات للجهاز المركري للمحاسبات وتقرير لجنة وزارة الشباب والرياضة الخاص بادارة النادي الاهلي.
كما طالب ان تكون المعاملة بالمثل، وزى ما حليت مجلس الزمالك، وكنت بتحاسبه على حاجات معملهاش، حاسب الكل ومتعملش حساب للجماهير، والقانون مفهوش موائمه.
فى زيطة كدا عن الاهلى وأنه بيتظلم تحكيمياً، حتى خالد بيومى اللى قاعد فى الامارات بيتكلم ن ظلم الاهلى.
يا اهل المغنى دماغنا وجعنا دقيقه سكوت لله، وبعدين الاخ محمود الخطيب حاطط مناخيره فى السما.. دا ربنا قال لاتمشي في الارض مرحا.