نفى الاعلامى خالد الغندور حديث ابراهيم سعيد لاعب القطبين الاسبق، بان الغندور طلب منه الظهور فى قناة الزمالك للهجوم على النادى الاهلى والتحكيم المصرى.
هذا الحديث الذى تحدث به ابراهيم سعيد، واكد الغندور على عدم صحته، مؤكداً أنه لم يتواصل معه منذ عام ونصف.
عند افتتاح قناة الزمالك طلبنا منه الظهور فى القناة، الا انه رفض بداعى الارتباط بعقد بإحدى القنوات التلفزيوينه وهى قناة ten.
مستحيل أطلب منه حاجة زى دى، انا لاأفرض على ضيوفى ما يقولوا فى البرنامج حين أستضيف أى ضيف.
ممكن انا أكون بكدب، بس المعروف عن ابراهيم سعيد أنه شخص قوى، كان ممكن يجى واقوله قول كذا، وكان هيقولى لا، حد يقدر يفرض عليه حاجة.
سؤال للكابتن ابراهيم سعيد اللى بعتز به : فى حوارات تلفزيوينه كتير قولت انك زملكاوى أقسم بالله، وحياة اولادى، وامبارح مع هانى حتحوت قولت انك اهلاوى وأقسمت بالله، مش حاجة غريبة شوية.
ياريت ياكابتن ابراهيم بلاش قسم بالله وحلفان، احنا فى عصر اليوتيوب، وكل حاجة موجوده.
وأتم الغندور : حبيت أوضح الامر، لان دا حق المشاهد ودى الحقيقه أقسم بالله، وانا مكلمتكش من سنه ونص وربنا يهديك.