واصلت الاعلامية هناء حمزة هجومها الكبير على ادارة النادى الأهلى فى ظل الخلاف الذي اندلع مؤخرا بين الطرفين.
هناء حمزة هى إعلامية وكانت كابتن النادي الأهلي في الكرة الطائرة وحاليا نائب رئيس اتحاد الكرة الطائرة.
هناء حمزة وجهت هجوم كبير على مسئول أهلاوى "فى اشارة الى عدلى القيعى" بسبب هجومه على ابراهيم عبد الصمد لاعب ونجم الأهلى السابق.
حيث كتبت عبر حسابها على موقع التواصل الاجتماعى فيس بوك قائلة:
يامستر كنتاكى عيب عليك اختشى لما تجيب سيرة ابراهيم عبد الصمد تقوم تقف، ده راجل ضحى بعمره كله عشان خاطر النادى الاهلى فى وقت ماكانش فى فلوس ولما اشتغل فى النادى اشتغل بكل امانه وشرف واخلاص وطلع للنادى الاهلى كوادر يعلمها الجميع وبرضوا كان بيتقاضى ملاليم.
وتابعت هناء حمزة : حضرتك بقى قولى انت ايه تاريخك فى النادى الاهلى عشان تبقى ملياردير قصور المنصوريه والساحل واراضى الغردقه وفلل التجمع وغيره وغيره .. كل ده من دم الغلابه ولسه ماشبعتش وانت رجلك والقبر وشغال سمسره وعمولات على ودنه ياراجل عيب عليك و علي ودانك.
واختتمت: اسال اى حد على سمعة ابراهيم عبد الصمد وسمعتك اللى سبقاك قولى مين هيصدقك يامطبلاتى الا المطبلاتيه اللى زيك اشبع بقى يامستر ده الكفن مالوش جيوب