وجه احمد دويدار مدافع نادى الزمالك الاسبق عدة رسائل الى اسلام الشاطر المذيع بقناة النادى الاهلى.
اسلام الشاطر الذى بدا فى الفترة الاخيره يتحدث بتصريحات غريبة وعجيبه وغير منطقية، وهذا بالطبع نتيجة نتائج الاهلى فى الفترة الاخيره وخسارته بطولة الدورى لموسمين.
وعبر صفحته الشخصية على موقع التواصل الاجتماعى فيس بوك كتب أحمد دويدار قائلاً :
شوفت فيديو غريب جدا من كابتن اسلام الشاطر علي قناة الاهلي وانا بحترم كابتن اسلام جدا لكن اختلف معاه تماما علي اللي بيقوله علي القناة اني ازاي الزمالك محجوز علي ارصدته في البنك وازاي بيجيب صفقات وبردو اتكلم علي الاسماعيلي بشكل غير مباشر ازاي بردو بيجيب صفقات ومفيش عقد رعاية وبيجيب صفقات.
من الاخر واضح جدا في كلام كابتن اسلام اني في توجيهة بعض من جمهور الاهلي اني ف موامرة علي النادي الاهلي ؟
فن إدارة الازمات دي موجود عند المستشار مرتضي منصور ودي مش موجودة ف اي رئيس نادي قبل كدة في مصر والراجل ناجح اداريا بكل المقاييس تتفق او تختلف عليه شخصيا لكن كلامي هنا علي الناحية الإدارية فقط الراجل ده ذكي جدا ووجوده عامل قلق لكل الاندية وده واضح للجميع.
انك تتكلم وتشتكي ومستغرب ده يقول انك حاليا متوتر وقلقان رغم الاستقرار المالي والاداري والفني ورغم قوة النادي الاهلي في أفريقيا وده مش طبيعي من الاهلي علي مدار سنوات اللي انا فاهمه واعرفه النادي الاهلي كيان لا يفكر في الآخرين دلوقتي انك مشغول بالآخرين إذن في مشكلة في إدارة الازمات وعلي فكرة جو الموامرة انا ضده جدا لاني انا موجود وعندي علم بتفاصيل كتيير محدش في مصر يقدر يعادي ويقلل من النادي الاهلي.
عندك مشاكل حلها لكن بلاش تلعب علي نظرية الموامرة خليها في الملعب فقط والاهلي كسب كتيير بمجهوده.
زمان كان النادي الاهلي بينافس نفسه علي جلب الصفقات وكان بياخد كل اللاعبين المميزين في مصر كان مميز بيها جدا دلوقتي انت بتنافس الزمالك وبيراميدز والمصري وفيوتشر ألموضوع بقي صعب واختلف تماما عن زمان والاعب دلوقتي عايز اعلي عقد من اي نادي.
بالنسبة للاسماعيلي كل الصفقات جاية ببلاش ومقدم التعاقد من فلوس يحي الكومي رئيس الاسماعيلي وده مجهود ذاتي.
رسالة من واحد بيحب نادي الزمالك بلاش مشاكل ما بينا ملهاش اي لزمة ولا توجهات من حد علي الميديا وبلاش عند في الاخر جمهور الزمالك هوه اللي بيخسر.