شن رضا عبد العال لاعب القطبين الاسبق، هجوم على البرتغالى فيتوريا المدير الفنى الجديد لمنتخب مصر، والذى خاض اولى مبارياته مع المنتخب بالامس.
هذه المباراة التى أقيمت بالامس ضمن الاجندة الدولية الودية، وانتهت بفوز منتخب مصر بثلاثية نظيفه سجل منها محمد صلاح لاعب نادى ليفربول ثنائية ومصطفى محمد لاعب نانت هدف.
رضا عبد العال وفى تصريحات له قال : واضح ان فيتوريا دا ملوش فيها، وكلامه فى المؤتمر بعد المباراة محسسنى انه كسب فرقة كبيره.
المنتخب ملوش أى شكل ومركز شباب المرج كان يكسب النيجر مستريح، والراجل كان زيه زينا بيتفرج على الماتش، والماتش كان ماشى فى سكة باصى لصلاح.
فى حاجات غريبة حصلت مخلى تريزجية للدقيقة 74، ومنزل مرموش اللى معملش حاجة .. انا بقولكم أحمد مدبولى لاعب الاسماعيلى افضل من مرموش دا 100 مرة.
وواصل هجومة وانتقاده : أحمد حجازى يلعب 90 دقيقه ليه ما تلعب بناس تانية وتجرب، وطارق حامد ولا باص واحد صح.. والبداية تؤكد ان فيوريا ملوش فيها.
واتم رضا عبد العال قائلاً : فيتوريا هيلعب بطريقة اللى عايزه حازم امام يمشى، وطالما الامور كدا يبقى ننسى منتخب مصر.