كشف الإعلامي عماد دربالة عن رسائل نارية وتصريحات من كل الاتجاه عقب خسارة الزمالك بالأمس أمام بيراميدز ووادع بطولة كأس مصر من نصف النهائي بركلات الترجيح.
وكتب دربالة عبر حسابه على موقع التواصل الاجتماعي فيس بوك قائلا الآتي:
خروج الزمالك وخسارة الدورى المتوقعه وكمان الخروج من افريقيا كله منطقى:
اما يبقى المدرب العنيد بيعمل تشكيل غلط وتغييرات كلها تخريف وبرضه ندعمه ونحترم رصيده وبطولاته بس هو يعاند ويركب دماغه
اما رجالتنا بمنتهى البجاحه والاحداث وقلة الحياء يتصورا وهم بيشيلوا شعر جسمهم اللى هو جزء من علامات الرجوله
اما الجمهور يجرى يتبرع من جيبه عشان يدفع فلوس بالملايين للاعيبة النادى اللى هو صنعهم وعمل منهم نجوم
اما تبقى قناة النادى مافيهاش واحد يجرؤ يقول كلمة حق عشان خايف على فلوس السبوبه
اما رموز النادى كلهم مظبوطين على الفيبريشن ومافيش واحد فيهم بيدعم النادى
اما الجمهور يخلص التذاكر فى ثوانى ويلف وراهم كل حته فى مصر ويخسروا نقط وبطولات وبرضه الجمهور متشحطط وراهم وبمنتهى الاستهتار يخرجونا من الكاس وهم بيلعبوا ماتش كامل امام فريق ناقص ويستهينوا بحزن الناس وحبهم للنادى يبقوا مش رجاله
اما يتم استبعاد ناس زى عزت عبدالقادر واحمد الشريف وعبدالنبى عبدالستار والحسن وشمس وهانى ويقعدوا فى البيت فى الوقت اللى شايفين اهلاويه ومأجورين محيطين بالريس ومسيطرين على اعلام النادى.الا من رحم ربى عشان ماحدش يزعل
اما المحيطين بالمستشار وانا اول محبيه وداعميه ماحدش منهم يجرؤ يقول كلمه حتى لو حق من باب نصرة الاخ ظالما او مظلوما.
كلنا فى ضهر النادى ورئيسه واعلامييه الزمالكاويه المخلصين.الزمالكاويه المخلصين فقط واللى كلنا نعرفهم بالاسم.
الزمالك ملك جمهوره المخلص فقط وهو خط الدفاع الاول الذي لا ينتظر اجر حبه ودعمه الا فرحة انتصار او رجولة لاعيبه تخلينا نغفر الهزيمه والانكسار.انما تبقى هزيمه ومافيش رجوله وغدر وسبوبه نبقى بندعم ناس بتهد الكيان اللى بنحبه