تحدث الاعلامى سيف زاهر عن استعدادات نادى الزمالك لمباراة القمة اليوم امام النادى الاهلى فى بطولة الدورى العام.
هذه المباراة المقرر لها اليوم عند الثامنه والنصف مساءً بتوقيت القاهره، على ارضية ملعب استاد القاهره، فى الاسبوع الـ 14 من البطولة المحلية.
سيف زاهر وعبر برنامجه التلفزيونى قال : مباراة مهمة للزمالك، وكل تفكير فيريرا فى الايام الماضية تجهيز احمد سيد زيزو وإمام عاشور للمباراه.
هو اشتغل على الجانب النفسى ليهم، واتكلم معاهم كتير فى الفتره اللى فاتت، وخاصةً زيزو، انهارده اتكلم معاه كتير جداً واشتغل معاه نفسى.
قاله الناس زعلانه منك، بس انت لاعب كبير، وتقدر فى مباراة الاهلى، تخليها مباراة عمرك، وتصالح الجمهور.
وطلب منه ان يستعيد زيزو شخصية زيزو فى لقاء مثل هذا، ومباراة زى دى هى اللى بترجع اللاعبين.
سيف زاهر ختم تصريحاته متحدثاً عن اللقاء مؤكداً ان مباريات الزمالك والاهلى لا يوجد بها أى توقعات، مهما كان مستوى الفريقين.