علق مرتضى منصور رئيس النادى على الموقف الحالى الخاص بأزمة قيد اللاعبين الجُدد، بسبب رفض اتحاد الكرة المصرى.
حيث اتحاد الكرة المصرى يمنع الزمالك من قيد لاعبيه الجدد فى فترة الانتقالات الشتوية، بسبب ما قيل عن عدم تسوية الزمالك للمديونيات الخاصة بالجبلاية.
منصور وعبر تصريحات له منذ قليل قال : اللى بيحصل دا مهزلة بقيادة حازم امام.. الجبلاية ازاى ترفض فلوس جاية من الشركة الراعية، وترفض فلوس الفيفا الخاصة بسيف الدين الجزيرى.
وكمان رفضوا انهارده 5 مليون كاش، ووليد العطار قالى أسف معنديش حد يستلم الفلوس دى، ويوم الاحد هنبعت 10 مليون ونحل الازمة.
حازم امام انا اللى سفرته ايطاليا، ولما فشل انا اللى رجعته، وهو فى مجلس الشعب واتحاد الكوره علشان الزمالك واسم الزمالك.
اللى حصل دا يوقف النشاط الرياضى فى مصر، وانت بتحاصر جمهور الزمالك، اللى بيشعر أن الظلم زاد عليه اوى.
انت لا تملك ايقاف القيد، ومش هذيع اللى حصل فى اتحاد الكرة دلوقتى، وعندى ما يثبت انه تم قيد 68 لاعب، لاندية عليها مديونيات لاتحاد الكرة.