شن الاعلامى سيف زاهر هجوم عنيف على لاعبى الفريق الاول لكرة القدم بالنادى، بعد المستويات الاخيره لهم مع الفريق.
وعبر برنامجه التلفزيونى بالامس قال سيف زاهر : مبقاش عندى أى كلام للاعبى الزمالك أقوله لهم، وحتى مبقاش عندى مبررات ليهم علشان أقولها.
فى اوقات كدا وظروف مبقاش ينفع فيها الكلام، وياريت بلاش نغمة مخدناش فلوس بقالنا فتره، او الكلام دا، لانه خلاص لن يؤثر فى الناس.
ياريت لاعيبة الزمالك توصل رساله للجمهور أنها متضايقة وحاسة بالجمهور الغضبان دا، ولا هو انتم فى إيه ولا حاسين بإيه دلوقتى.
فى حالة غريبه عندكم، وأنم مش بتلعبوا تقسيمة علشان دا يبقى شكلكم، دا لاعب زى الجزيرى مش عايز يجرى على الكوره، هو فى إيه.
فين المجهود المبذول، ومع احترامى للكل الجمهور مقصرش معاكم فى حاجة، ودايماً معاكم فى كل الازمات.
أرقام غريبه وعجيبه بيعملها الزمالك، عواد مثلاً 14 هدف فى 9 مباريات، هو أنتم مش حاسين بالجمهور خالص كدا ولا زعله.