شن الاعلامى خالد الغندور هجوم على جميع أفراد منظومة نادى الزمالك، وذلك فى ظل تراجع للنتائج وتراجع فى مستوى الفريق.
وفى فيديو بثه عبر صفحته الشخصية على موقع التواصل الاجتماعى فيس بوك قال خالد الغندور :
الزمالك بيمر بفتره صعبة جداً دلوقتى، بيخسر فى كل البطولات على المستوى المحلى، وعلى المستوى الافريقى، وكان أخرها هزيمة الفريق من شباب بلوزداد.
اللاعبين المميزين بيمشوا زى إمام عاشور، واللى موجود مش حاسس أنه عايز يلعب ولا يموت نفسه علشان الفريق يكسب، مفيش روح ولا لعب جماعى.
فيريرا مشى وجه أسامة نبيه، ورجع فيريرا، وواضح ان فيه مشاكل فنية كتير فى الفريق.
حزين على الزمالك جداً، والموسم دا للنسيان، وربنا يكون فى عون الجمهور فى ظل أزمات رحيل اللاعبين وعدم قيد لاعبين، وحجز على الارصده.
اللاعبين اللى تم اضافتهم السنة دى أقل بكتير أوى من الموسم اللي فات وخسرنا كمان الونش، والزمالك محتاج تغيير فى اللاعبين وفى الجهاز الفنى.. وفيريرا اللاعبين مش متقبلين وجوده.
الزمالك معندوش أجانب الجزيرى الوحيد الموجود والمثلوثى مصاب، ولسه نداى راجع من الاصابة، وسامسون بره علشان فنيات، ومفيش فريق عايز يأخد افريقيا يبقى معاه رأس حربة واحد.
وكمان يمشى امام عاشور، وانا مصدوم انمفيش نسبة اعادة بيع لصالح الزمالك فى عقده، ولازم يكون فى لجنة كره تختار الصفقات، ومدير رياضى للنادى، لان للاسف الضحية هو الجمهور.