شن سامي الشيشيني لاعب ومدرب الزمالك الاسبق، هجوم على لاعبى الفريق الاول لكرة القدم بالنادى بعد الهزيمة من شباب بلوزداد.
حيث اكد عبر تصريحات تلفزيونيه أن الجميع فى النادى تعب قائلاً : والله تعبنا، طول عمر بشتغل فى التحليل، عمرى ما شوفت الزمالك كدا.
احنا من أول الموسم كنا مضغوطين، بس مش لدرجة اانا نبقى خامس الدورى بعد الاتحاد وبيراميدز وفيوتشر والاهلى.
دا مش نادى الزمالك اللى يخسر فى افريقيا بالشكل دا ويخسر بطولة الكأس وبنخسر فى الدورى، وفى لاعبين بدون زعل لا يستحقوا ارتداء التيشيرت الابيض.
الزمالك مبقاش فى لاعبين مميزين، كان زمان فيه طارق حامد وبن شرقي وفرجاني ساسي وطارق حامد ومصطفى محمد، كنا ببقى مطمن وانا نايم.
فيريرا كدا كدا معندوش أى جديد يقدمه والوضع حالياً صعب وصعب جداً، والبرتغالى لازم يمشى فوراً لان الامور خرجت عن السيطرة.