علق أحمد حسام ميدو نجم الزمالك الاسبق، على خسارة الزمالك منذ قليل من فريق البنك الاهلى ضمن منافسات دور الـ 16 من بطولة كأس الرابطة.
حيث اكد ان الزمالك بالفعل كان غائب عنه عدد من اللاعبين، الا ان هذا الامر وهذه الاقاويل لا تصح من نادى كبير مثل نادى الزمالك.
الزمالك خاض لقاء البنك الاهلى بلاعبين لديهم خبرات كبيره فى كل المراكز، ومنهم لاعبين دوليين، لكن بصراحة الاداء كان محبط والنتيجة صعبة.
فياريت محدش يقولى الزمالك خسر علشان كان الفريق ناقص لاعبين، لانه رغم كل دا الاسماء اللى لعبت كانت كبيره، الموضوع يتلخص ان الفرقه معندهاش دوافع.
احمد عبد المقصود حاول وغير طريقة اللعب وحاول يعمل توليفه لكن اللاعبين دول ميكسبوش وهو بلا دوافع.
عمرو السيسي ومحمد أشرف روقا وحشين جداً بقالهم فتره، وهما باعتبارهم محور ارتكاز الزمالك خلوا المنظر العام للفريق وحش وانا مش عارف ايه عذر اللاعبين علشان يبقى دا المنظر، ولو قعدنا اسبوع نلعب مكناش هنسجل.
لازم ثورة فنية فى الفريق تحت قيادة مدير فنى مميز، والفريق فى وضع صعب، ولازم اللاعيبه دى تفوق علشان تنافس على المركز الثانى وتلحق المشاركة فى بطولة دورى أبطال افريقيا.