وجه الاعلامى سيف زاهر رسالة الى لاعب الفريق الشاب سيف فاروق جعفر، فى ظل الموقف الحالى الخاص بتجديد تعاقده مع الزمالك.
اللاعب الذى ينتهى تعاقده مع النادى بنهاية الموسم الحالى، هو وزميله يوسف أسامة نبيه، حرص سيف زاهر على توجيه رساله الى اللاعب سيف فاروق جعفر.
سيف زاهر أكد أن اللاعب لدية عدة عروض محلية وخارجية، وعندى تفاصيل كثيرة فى الملف دا، مش هتكلم فيها دلوقتى.
بقول لسيف جعفر وقع للزمالك وجدد عقدك مع النادى، المصلحة مشتركة، مصلحة اللاعب أنه يبقى فى الزمالك، ومصلحة الزمالك انه اللاعب يوقع ويجدد.
انت من اللاعيبه اللى بحترمها وبحبها لازم ياسيف تسمع نصيحتى لان التاريخ بـ ينكتب فى الزمالك، والتاريخ فى الزمالك يسوى كتير والزمالك يصنع تاريخ لـ أى لاعب.
الزمالك قدم عرض لسيف فاروق 3 سنين بحوالى 7 و 8 و9مليون، وفى عرض تانى مصرى، 3 سنوات بـ 10و11و 12مليون من مصر.
وعرض من نادى خارجى من دولة خليجية، لمدة 3 سنوات بقيمة 15و 20 و25، وانا بقولك اختار الزمالك.