انتقد أحمد حسام ميدو نجم الزمالك الاسبق، تصريحات ابراهيم المنيسى المذيع بقناة النادى الاهلى.
هذه التصريحات التى خرج بها المنيسى عبر قناته على اليوتيوب، وقال ان ميدو ليس من حقة أن يتحدث عن النادى الاهلى تحت اى ظرف، لانه من صناع القرار فى نادى الزمالك كونه عضو فى اللجنة الفنية.
ميدو وعبر برنامجه التلفزيونى قال : الاستاذ ابراهيم المنيسى عمل فيديو غريب أوى وبيقول انى مش من حقى اتحدث عن الاهلى.
وسأل ميدو سوال لابراهيم المنيسى : انت متأكد من الكلام دا؟ مش من حق حد يقول لحد متتكلمش عن هذا الامر، ولا يحجب رأيه، كان نفسى تتكلم بذكاء اعلامى عن كدا.
المفروض انك إعلامي عندك خبرة، وعارف حق الاعلامى انه يتكلم، وزمن تكميم الافواه دا خلاص مبقاش ينفع معانا.
فى حد خلاك تقول الكلام دا، زى ما بيخلى علاء صادق يقول نفس الكلام، أحب أقولك الراجل دا "زاقق عليا طوب الارض علشان يتصالح معايا" وانا اللى رافض.
انت فرحان اكيد دلوقتى انى بتكلم عليك دلوقتى، بس عادى مش مشكلة افرح انا هتكلم عليك.
كلامى الكويس عن حسام غالى ضايق ناس كتير، وخلوك تتكلم وتعمل الفيديو دا، ياريت تفكر قبل ما تتكلم .. دا انت حتى بتتكلم على قناة تحت بير السلم، وطبعاً هنا يقصد قناته على اليوتيوب.