اعلن مرتضى منصور عن تعاقده مع صفقة جديدة لتدعيم صفوف الزمالك خلال الموسم القادم، مؤكداً أنه سيتم الاعلان عنها قريباً.
وأكد والحديث على عهدته ان الزمالك تعاقد مع لاعب كبير واصفاً اللاعب "بانه هيتعب الاهلى كتير أوى" وسيتم الاعلان عنه فى الاسبوع القادم.
واكد أن الزمالك لدية أفضل لاعبين فى مصر، وان الفريق به فى كل مركز أكثر من لاعب، وشدد على حل أزمة قيد الثلاثى احمد زكي و حمدي علاء وأوباما، فى انتظار فقط وصول البطاقة الدولية لـ أوباما.
وأكد ان موضوع الحجز على ارصدة النادى أصبح أمر سخيف، والكل واقف يًشاهد الامر ، وهو سبب الازمة الخاصة بقيد اللاعبين فى القائمة الاولى التى حدثت أمس.
وتابع : محدش قادر يقول لممدوح عباس عيب، فلوسك انت واخدها قبل كدا، والكل خايف منه ومن محمود الخطيب، والمفروض احنا فى دولة قانون، لكن إحنا عندنا دولة ممدوح عباس ودولة محمود الخطيب.
روحت انهاردة اتحاد الكرة علشان أزمة قيد القائمة الاولى، والتقيت بالسيد جمال علام، وعدد من المسئولين، والناس متفهمة الامر وفاهمة الازمة اللى احناف فيها.
كان فيه فعلاً اتفاق على دفع مبلغ كل فترة قيد، لكن الحجز على الارصدة منعنا من تنفيذ دا فى الوقت الحالى.