مازالت ردود الافعال تتواصل على مهزلة امين عمر حكم مباراة الزمالك والمقاولون العرب الاخيرة فى بطولة الدورى العام.
حيث أكد أحمد حسام ميدو نجم الزمالك الاسبق، أنه لو كان من الممكن سماع محادثات الحكام مع حكام تقنية الفيديو، لـ رأينا مهازل تحدث وسمعنا عن أشياء غريبة.
كلمة مش مقتنع اللى قالها امين عمر عن ركلة جزاء الزمالك تندرج تحت بند الاهواء الشخصية مش القانون.، واللى حصل دا يعتبر فضيحة على كافة المستويات.
أمين عمر بيقول أنه مش مقتنع بالقانون، لا وكمان بيحاول يلاقى لنفسه مبرر أنه لا يحتسب ركلة الجزاء لنادى الزمالك.
لو أمين عمر جاهل بالقانون تبقى مصيبة، ولو عالم بالقانون وتظاهر انه جاهل بالقانون علشان لا يحتسب ركلة جزاء الزمالك تبقى المصيبة أكبر.
انا متأكد انه لو كان عارف ان الحديث مع حكام الفار مسموع كان راجع كل كلمة بيقولها قبل ما ينطقها، لان اللى قاله مش ممكن يتقال.