خرج يوسف حسن مهاجم نادي الزمالك بتصريحات عبر فيسبوك بشأن إصابته وما تردد أنها مزمنة ورد فعل المسؤولين حوله.
يوسف حسن انضم إلى الزمالك مطلع الموسم الماضي قادما من وادى دجلة وكان مهاجم منتخب الشباب الأساسي ولعب بعض المباريات مع الزمالك ثم تعرض الى الاصابة.
يوسف حسن وعبر تصريحات من خلال حسابه على موقع التواصل الاجتماعي فيسبوك تحدث قائلا:
انا بس هتكلم كلمتين و الواحد ساكت متكلمتش من ساعة ماأصيبت انا ولا حد بيسال فيا ولا حد بيطمن عليا بدون ذكر اسماء .. انا مقصرتش مع حد ولا عمري حد شاف مني حاجه وحشه، اولا انا اتصبت ف ماتش المقاولون العرب في الكاحل، اتعالجت يومين وبعدين روحت منتخب الشباب اصيبت فيها تاني، و الاصابه تشخيصها اني عندي قرحه في الكاحل محتاجه ليزر وكل ما اكلم حد يقولي النادي مفهوش فلوس”.
وتابع يوسف حسن تصريحاته انا بقالي خمس شهور قاعد في البيت مفيش حد عارف يعملي عمليه بـ150 الف جنيه لي درجة اني قولت عاوز فلوسي وانا هعملها علي حسابي .. وتاني مره اقول حسبي الله ونعم الوكيل في الي قال انها إصابة مزمنه انت كده بدمرني، انا معملتش حاجه وحشه الي قال كده يثبت انها مزمنه وانا مستعد اعرض عليه التقارير والاشعات”.
وختتم قائلا: نفسي افهم ليه بيحصل كده انا مقصرتش بنقطة عرق واحده وانا بلعب مع النادي الزمالك، لعبت خمس ماتشات كسبنا الخمسه الحمدلله يعني مقصرتش باي حاجه، عامة انا في الانتظار. واحد مسؤلي النادي كلمني وهعمل العمليه وهرجع احسن من الاول باذن الله، وانا بحب جمهور الزمالك من قلبي فعلا شكرا”.