علق حلمى طولان المدير الفنى لانبى على خسارة الفريق الليلة امام الزمالك فى الدورى 3-1 على ملعب استاد القاهرة.
طولان وخلال تصريحاته تحدث قائلا: كان في عدم تركيز في التكليفات انا مش هذكر اسماء مين اللي اخطأ، النتيجة كانت هتبقي افضل لو التكليفات اتعملت بشكل جيد وده اثر علي ادائنا الزمالك فريق كبير ملئ بالنجوم مفيش شك بقول لفرقتي هارد لك.
وتابع: عندي كورونا كتير ٤ لاعيبة وريكو عامل عملية والغيابات دي اثرت بشكل كبير مش عندي فريق كافي غيابهم اثر طبعا
وواصل: الموسم اللي فات كان عندنا فرص قليلة ولكن كنا بنسجل الموسم ده نسبة التهديف قليلة جدا ولازم نشوف لها حل .
وعن المناوشات التى حدثت مع بعض من جمهور الزمالك تحدث طولان: مش عارف سبب المناوشات اللي حصلت في المدرجات انا عارف معظم اللي موجودين فوق دول مش فاهم ليه بيهاجموني عمري ما صرحت ضد نادي الزمالك او تجاوزت ضد الزمالك انا عارف مين المتزعم المدرجات، جماهير الزمالك اللي في الشوراع ذوق واخلاق هما دول جماهير الزمالك
ورفع الزمالك رصيده بهذا الفوز الليلة على انبى الى 48 نقطة فى قمة صدارة ترتيب الدورى