كشف محمود عبد الرازق الشهير بـ" شيكابالا" قائد الفريق الكروي الأول بنادي الزمالك، ما حدث يوم مباراة الفريق أمام البنك الأهلي ببطولة الدوري العام.
وقال شيكابالا عبر برنامج "الحكاية" ببرنامج mbc مصر : أهالي اللاعبين وأبنائهم تم منعهم من دخول ملعب بترو سبورت، ومش لاقي مبرر من أي حد.
وأضاف : فضلت ساعة ونصف واقف ومستني أحاول أدخل الناس، وأحلم الأمن ومحدش بيرد عليا، لحد لما خرجلي كابتن أحمد عبد المقصود وبيدمع، وسيف الجزيري وأحمد سيد زيزو.
وواصل : محمود حمدي الونش كان معاه أبوة لتمنع من الدخول، ووالده أول مرة يجي يفرح بابنه لا وجاي سفر من الشرقية، ويوسف أوباما اخواته مدخلوش وجايين من الإسكندرية، وحميد أحداد طلع من الملعب في الدقيقة ٧٠ خرج برة الملعب بملابس الفريق علشان يجيب زوجته.
وأكمل : المهم دخلت الماتش، وبعد انتهاء المباراة كنت داخل اجيب تيشرتات خاصة بالاحتفال ببطولة الدوري، والأمن بيقولي ممنوع مش هفتح، واتفاجئ أن اللاعيبه الشباب ممنوعه وأنا الكابتن بتاعهم وقائدهم.
وأشار : فجأة جالي رئيس الاتحاد أحمد مجاهد، ومعرفش تدخل ليه، مرة واحد بيقولوا شيكابالا بيشتم رئيس الاتحاد، مع أن أحمد مجاهد نفسه طلع قال محصلش، كل اللي حصل أني متعصب علشان لاعيبه الزمالك بتتعامل وحش من شركة التأمين.
واستطرد : كل اللي قولته لأحمد مجاهد عايز زمايلي يدخلوا ونلبس تيشرت الاحتفالات، الغريب أن كان في ناس منعرفهاش في أرض الملعب.. اللاعب الصغير والناشئ لما يتصور مع الدرع في البلد بتاعته فخر وحاجة كبيرة
وأتم شيكابالا حديثه: كنت عايز أفرح أيمن حفني ومتفقين كلنا من غير ما هو يعرف أن أيمن هيرفع بطولة الدوري ولازم نكبر بالحاوي وأحنا أخدنا الدوري علشان خاطر أيمن حفني.
