كشف محمود عبد الرازق الشهير بـ" شيكابالا" قائد الفريق الكروي الأول بنادي الزمالك، تعرض نادي الزمالك لضغوطات كبيرة في الوقت الحالي.
وقال شيكابالا عبر برنامج "الحكاية" ببرنامج mbc مصر : المشاكل كتير جدا، كل شوية مجالس إدارة تتغير، فجأة، ٤ مجالس إدارة ولسه واقفين.
وأضاف : ليه الأهلي بياخد بطولات؟ لان الأهلي معاه الإعلامي واستقرار مالي وإداري لو الزمالك معاه نفي العوامل هياخد نفس البطولات.
وواصل : لو الكرة بالعدل والملعب واللي يجتهد هو اللي يتوج، كل مشكلة بتحصل للزمالك، عايز مشكلة واحدة للنادي الأهلي، مشكلة واحدة بس في الإعلام.
وأكمل : الجهاز الطبي لنادي الزمالك من يوم بطولة الكونفدرالية لم يأخذ مكافآت البطولة، الأهلي طلب دكتور الزمالك ونادي في الإمارات، لو شغل بس كان زمانه مشي من الزمالك لكن هو زملكاوي.
وأشار : لو في تقنية فيديو من زمان كان الزمالك توج ببطولات كتير، في مرة عبد الشافي جاب جول عالمي اتحسب تسلل من الخيال، نفس القصة مع كابتن حسن شحاتة، بطولات كتير جدا بس الناس ناسيه.
وأتم شيكابالا حديثه: مش شيكابالا بس اللي بيتشتم بالمناسبة، جمال عبد الحميد اتشتم كتير ومحدش بيوقف اللي بيحصل.. الزمالك واقعياً مظلوم، وفي الاخر المنافس يقول أنا اللي مظلوم ، طيب قولي ليه؟
