شن المستشار مرتضى منصور رئيس مجلس إدارة نادي الزمالك الموقوف بقرار من وزارة الشباب والرياضة بسبب وجود مخالفات مالية (حسب ما نُشر)، هجوما حاد على اللجنة المكلفة بإدارة القلعة البيضاء برئاسة كابتن حسين لبيب.
وقال "منصور" عبر فيديو بصفحته الشخصية : عايزأعلق على حملة تبرع جمهور الزمالك هو أنت يا لبيب مش واخد توكيل أحد الشركات العالمية في مصر ودافعله ييجي 2 ولا 3 مليار عشان تاخده، اتبرع طيب للنادي.
وأضاف : محمد الأتربي نائب اللجنة ، هو أنت مكسبتش بسبب تبرعات جمهور الزمالك على حساب بنك مصر اللي معاه ملايين، وأحمد حسام ميدو عندك مطاعم ومحلات وقرى وراجل معاك فلوس مابتتبرعش ليه لنادي الزمالك.
وواصل : نيجي بقى لخالد الغندور أنت بتاخد 400 الف جنية كل شهر من قناة نادي الزمالك، أتبرع طيب بأي حاجة، والأخ ممدوح عباس اتبرعلك ب100 مليون ساعد بيهم الزمالك، مش بـ 3 مليون تتصور بيهم مع الفريق والجهاز الفني.
وأتم مرتضى منصور حديثه : حسين السمري المدير التنفيذي ولا حسام المندوه اللي ابوه مليونير.. وعمرو أديب مش عند 4 فيلل خارج مصر ومعاك فلوس، كلكم مليونيرات ومعاكم ملايين مش رايحين تطلبوا من الغلابة يتبرعوا للنادي والله عيب.
