مع اعلان المهندس حسن صقر، ترشحه على مقعد رئيس نادى الزمالك فى الانتخابات القادمة.
وبغض النظر عن الاختلاف أو الاتفاق على الاشخاص، ففى النهاية الجمعية العموميه هى من ستحكم وهى من ستختار.
الا ان هناك رساله سنكررها اكثر من مرة هنا فى الزمالك اليوم، لمن ينتوى الترشح لانتخابات النادى.
أيها الزملكاوى التى تنوى الترشح لانتخابات النادى القادمة، سواء على مقعد الرئيس أو مقعد العضو، لابد أن تعلم :
الزمالك يمر بأزمات ماليه كبيرة وطاحنه، الى جانب كم من القضايا والمشاكل، داخلياً وخارجياً، كل هذا مع تطلعات وامال من الجمهور الرياضى لحصد البطولات على كافة الالعاب.
فالموضوع ليس مجاله الان شكل اجتماعى، أو فسحه جميلة، للنادى يومياً بأنك عضو مجلس الادارة أو رئيس النادى.
الموضوع صعب وصعب جداً، وعايز تخطيط كويس وانت داخل ترشح نفسك، علشان من الاخر لو نجحت محدش يجى يقول الوضع صعب والازمات كتير.
من دلوقتى أهه الوضع صعب والمشاكل والازمات كبيرة، علشان محدش يقول مكنتش أعرف، فاللى قدها يترشح ويقول هعمل ايه، واللى مش قدها يسيب النادى فى حاله والنبى، الحكاية مش ناقصة.
بالمناسبة، الكلام دا ينطبق على مرتضى منصور نفسه، لانه لو ترشح وفاز، فلن ياتى على الوضع الذى تركة، بل سياتى على وضع أصعب بكثير.
