حرص محمود علاء مدافع الفريق الكروي الأول بنادي الزمالك، الرد على الإنتقادات الموجه له من بعض جماهير نادي الزمالك والاعتراف عن سبب تراجع مستواه الفترة الأخيرة.
وقال "علاء" عبر قناة أون تايم سبورت : من عام ٢٠١٧ الى عام ٢٠٢٠ كنت افضل مدافع في مصر وفي الزمالك ولكن الظروف هي اللي قللت من مستوى محمود علاء ، ابتعادي عن المنتخب اثر في بشكل كبير خاصه اني كنت اساسي مع المنتخب وبالتأكيد الموسم القادم سأقاتل لاستعاده مكاني.
وأضاف :نادي الزمالك حالياً بيمتلك افضل ٣ مدافعين في مصر.. بدايه الموسم كانت صعبه خاصه بعد تغيير مجالس الادارات المستمر ، الظروف دي خلتنا احنا كلاعيبه نتكاتف ونتماسك مع بعض
وواصل : بدايه الدور التاني هي اللي حسستني ان الزمالك قادر على التتويج بالدوري ، مستر كارتيرون اتكلم معانا ان نفسيا المنافس هيقع لو فضلنا احنا نكسب ودي اللي لعبنا عليها وربنا وفقنا الحمد لله
وأكمل: معسكر الاسكندريه الروح المعنويه كانت عاليه جدا اننا هنكسب الدوري ، جمهور الزمالك ادالنا دفعه كبيره جدا وشوفنا ده فالجمهور اللي بوجهله التحيه انه ساندنا وأمن بينا وكنا للازم نفرحهم لانهم يستحقوا
وأتم محمود علاء حديثه : هقول كلمه ومحدش يرد عليا ، الزمالك محدش ساعده غير لاعيبه الزمالك وجمهوره ، احنا اتقال علينا اشاعات وافتراءات محدش يستحملها ومكنش عندنا حافز غير اننا نكسب عشان نفرح جمهورنا لاننا كلاعبين وجمهور بس هما اللي بيساعدوا الزمالك .. تغيير مجالس الاداره مع الاشاعات قادر انه يكسر اي حد ولكن الدافع والجمهور هما السبب اننا كملنا وكسبنا الدوري
