حرص محمود علاء مدافع الفريق الكروي الأول بنادي الزمالك، التعليق على التعاقد مع الدولي التونسي حمدي النقاز ومحمد شبانة وعمر كمال المنضمين حديثاً للقلعة البيضاء، خلال فترة الانتقالات الصيفية الحالية.
وقال محمود علاء عبر قناة أون تايم سبورت : الموسم القادم ان شاء الله يبقى موسم خير علينا ونقدر نفرح الجمهور ، الاضافات زيي حمدي النقاز و عمر كمال ومحمد شبانة هتساعدنا نفرح الجمهور ان شاء الله.
وأضاف : حمدي النقاز اضافة كبيرة وقوية ومن افضل الباكات في افريقيا ، احنا زعلنا من حمدي بسبب عشرتنا ليه وفرحنا برجوعه لينا مره تانيه وكل واحد اعلم بظروفه.
وواصل : اكتر مباراة زعلت عليها هي نهائي افريقيا ، السيناريو مكنش يوحي اننا هنخسر ، كنا مسيطرين وحطينا كوره فالعارضه وكمان الجول جه متأخر لو جه بدري عن كده كنا هنعوض
وأكمل : مفيش حاجه اسمها فريق يتفوق نفسيا ولو الكلام ده صحيح كنا تفوقنا احنا لاننا اخر مباراتين قبل النهائي احنا اللي كسبنا الاهلي.
وقال محمود علاء : ماتش الاهلي والزمالك اكيد ليه حسابات وكل حاجه لكن المهم البطوله ، الموسم ده اتعادلنا ماتش وخسرنا التاني وفالاخر كسبنا الدوري وده المهم لينا كلاعيبه وجمهور اكيد
وأتم مدافع الزمالك حديثه : اسامه نبيه اضافه لاي مكان موجود فيه ورحيله يزعل كل اللي موجودين في الفريق ولكن قراره في الرحيل يحترم ولو في كلام انه يرجع طبعا ده شئ يفرحنا
