حرص محمد نديم حارس مرمى الفريق الكروي بنادي الزمالك مواليد 2001 عن تصعيده لصفوف الفريق الاول، والحديث عن مفاجأة في الإختبارات.
وقال محمد نديم عبر قناة نادي الزمالك :-
بدايتي كانت مع نادي سبورتنج في سن التاسعة وكنت نازل اشارك كلاعب وسط وليس حارس، لكن المدرب قالي اقف حارس مرمى ومن يومها واستمريت ف سبورتنج حتى 15 سنة وحبيت مركز حراسة المرمى لان كنت جرئ ومبخافش من الكرة.
اتصعدت السنة اللي فاتت مع باتشيكو منامتش ليلة اول تدريب لي مع الفريق الاول وكان رهبة لان كنت بتصعد مع المستبعدين ومحمد أبو جبل دائما يوجه لي النصائح وبحب اسمع منه.
أول معسكر لي مع الفريق الاول حاولت اتعامل بدون خوف اورهبة وكنت كويس ومعك نجوم كبيرة واستفدت منه كتير.
مفيش فرق فى التدريب بين فريقي2001 بالزمالك وبين الفريق الاول وبتمرن وبلعب بجديه مع فريقي.. لو كنت ف التمرين كويس بقول لا انا عاوز اكون افضل وربنا مش هيضيع تعب حد.
في الاجازة بحاول اطور من مستوايا وبروح الچيم، اوليڤيرا هو مدرب مختلف ودايما بينوع ف التمرين وبيركز ع الشوط الحر وتقفيل الزواية.
أكتر أثنين مش بحبهم يشوطوا في التدريبات وأن الحارس، هم إمام عاشور لانه مدفعجي ومصطفى فتحي لان معرفش الكرة هتروح فين وبيعمل حاجات غريبة
كابتن شيكابالا يدخل يسلم علينا احنا الاول قبل اللعيبة الكبيرة وبيتكلم معنا اننا منخافش وكلنا زي بعض.. مثلي الاعلى محلي كابتن عبد الواحدالسيد واوروبي كاسياس وبوفون.
اكتر 3 بيشوطوا ضربات جزاء ف التمرين إمام عاشور واوباما وبيثبتوا الجول وإسلام جابر وبعرف اصد منه كتير.. حضرت ماتش نهائي الكونفيدرالية من المدرجات لاني واحد من الجمهور وكان شعور جميل الفوز بالبطولة.
حابب اقول للجمهور الزمالك ان شاء الله الزمالك يفوز بالكأس، الجماهير تعبوا كتير ونفسهم يفرحوا ان شاء الله يفرحوا بالكأس وافريقيا
