حرص الإعلامي تامر أمين التعليق على تصريحات علي غزال لاعب نادي سموحة السابق، بسبب تعرضه التنمر من بعض الأشخاص وفئة معينه من الجمهور.
وقال تامر أمين عبر قناة النهار في تصريحات تابعها " الزمالك اليوم " :-
علي غزال زعلان وعنده حق بأمانة، عيب أوي أن حد يتنمر على بني أدم، أنت كدة بتغيب الخالق أعوذ بالله، ومش علي غزال بس اللاعب اللي بيتعرض للتنمر، في لاعيبه تانية بتتعرض للتنمر وبصراحة دي مش كرة.
متعمليش راجل وأنت ورا الشاشة، وعلشان متقولش معرفش، لا أي حرف هتقوله وتكتبه أنت المسئول عنه وهتتحاسب عليه.
بطالب الجهات المسئولة تغليظ العقوبة بخصوص التنمر، لان الناس شايفها فعلا شطارة وخف دم، لازم يكون في حساب كبير.
