كشف الإعلامي أحمد شوبير الخلاف الحقيقي بين إدارة الأهلي برئاسة محمود الخطيب و موسيماني المدير الفني للفريق الكروي الأول بنادي الأهلي بشأن تجديد تعاقده.
وقال أحمد شوبير عبر إذاعة الراديو ظهر اليوم :
قولت لحضراتكم قبل كده في قلق بين موسمياني والأهلي وكررتها تلت أربع خمس تسع عشر مرات!، إيه اللي حصل خلال الكام يوم اللي فاتوا!؟
مشكلة الأهلي مع موسيماني إن دايما الأخبار بتطلع من جنوب إفريقيا، شبكه بقى أو صحفيه أو صحفي فالقصة بتبدأ يحصل قلق هنا، الناس قالتله كذا مرة يا مستر موسيماني إحنا عندنا نظام ومينفعشي كل شوية تصرح برا أو حد عندك يتكلم، الراجل استجاب لكن المرة دي اللي حصل تسريب من صحف جنوب إفريقيا، وكان في المقابل الرد تسريب بتسريب!!
وتابع شوبير: أيوة فعلا حصل قعدة لتجديد عقدة والعلاقة متوترة منذ غرامة السوبر المصري وموسيماني في حالة قلق، التسريب اللي طلع من هنا ردا على تسريب جنوب إفريقيا أن زوجته طلبت تعديل عقدة الموسم ده وعمل عقد جديد لمدة موسمين وزيادة في الراتب وشرط جزائي بنصف قيمة عقده!
وواصل: الأهلي قال أنا مش عايز أمد العقد دلوقتي، والرد أنهم قالوا وإحنا عايزين نمد دلوقتي بالشروط دي لان في عروض خليجية!
واختتم: فالسؤال هنا هل الإدارة عنها استعداد تُصبر لبعد بداية الموسم!؟ لكن زوجة موسمياني معندهاش صبر تستنى وهي مختارة توقيت ذكي جدا بعد ما الراجل عمل فترة الاعداد ومقبلين على إنطلاقة الموسم
