حرص أحمد عيد عبد الملك نجم نادي الزمالك الاسبق، التعليق على إيقافه من المباريات، والمطالبة بفتح تحقيق بينه وبين مراقب المباراة.
وقال أحمد عيد عبد الملك عبر حسابه الشخصي بموقع التواصل الاجتماعي فيسبوك :
من السنة الي فاتت اتوقفت ٤ ماتشات مرتين و مكمل الوقف السنة دي و فاضلي ماتش اول مرة اتوقفت ٤ ماتشات قسماً بالله حكم الماتش مجاش و اداني انذار في الماتش و بعد الماتش خرج من ناحية و انا من ناحية تانية و فوجئت بايقاف ٤ ماتشات بعدها.
و قبل نهاية الدوري بماتشين حكم ابوه ماسك في لجنة الحكام كتب فيا تقرير و اداني ٤ ماتشات و مكانش معاه مراقب اصلاً و حتي بعد الماتش مطلعش انذار ليا و طبعاً بنبعت تظلمات و يقولولنا ده التظلم للممتاز و الممتاز ب بس الدرجة التالتة مفيش تظلم مش ولاد ناس باين !!.
الماتش الي فات بقي بنلعب برة ملعبنا في طوخ و حكام من اسماعلية و الحكم جايب ابوه معاه يراقب تقريباً و كل واحد في اللجنة بيبعت اصحابه يراقب الماتشات بالحب و قسماً بربي ما جيت ناحية الحكم و لا طلع مني لفظ اساءة و انا اصلاً موقف و برة الملعب اتكتب فيا تقرير اني اعتديت علي الحكم و اثارت الجماهير الي هي مش موجودة اصلاً و برة ملعبنا كمان و رئيس لجنة مسابقات القسم التالت عارف الي حصل بالحرف و متأكد اني معملتش حاجة و اخدت ٨ ماتشات بتقرير افتراء و ظلم و المرة الي فاتت سكت و الي قبلها لكن فاضل بيا خلاص.
هو لازم ابقي مدرب في الممتاز و لا لاعب في الممتاز و لا مدير كرة في نادي كبير و اطلع انفض الحكام و اللجنة علشان يبقي في تحقيق معايا و تمشي بالحب و لا لازم اطلع اتكلم و اصاحب الي ماسكين اللجان علشان العقوبة متبقاش موجودة و الموضوع يبقي رأي عام ده ربنا يكون في عون المدربين الي لسة بيبدأو و اسمهم مش كبير هتشوفو الويل في الكرة الي عندنا هنا و حسبي الله و نعم الوكيل في كل ظالم و لو في عدل انا طالب تحقيق بيني و بين المراقب و الحكم ده لو في بقي.
