|
يرغب أحمد مجدى لاعب الزمالك, فى عودة النشاط الرياضة
مُطالباً بإصدار قرار واضح وصريح بعودة الدورى .
وقال فى تصريحات لبرنامج " كورة كل يوم " على النهار رياضة " مفيش حد راجل يطلع يتكلم إنما كله بيقول ويجرى, البطالة مش ناقصة 5 مليون بيشتغلوا فى الكورة وشغلهم موجود, طالما باب رزق مفتوح ليه نقفله ؟! " .
وأعرب مجدى عن تشاؤمه حيال موقف الدورى, مضيفاً بقوله " نفسى أتفاءل لكن للأسف مش قادر " .
وإنتقد مدافع الزمالك إتحاد الكرة المصرى قائلاً " الناس جاية تشتغل شغلانة تانية لو مش قادر آخد قرار أستقيل, أنا مش جاى أشرب شاى وأروح الساعة 2 وشغل موظفين " .
ويرى مجدى أن كرة القدم فى مصر دائماً مايتم إقحامها فى السياسة, وهو ماتسبب فى العديد من الأزمات, رغم أنها فى أوروبا لا تتجاوز مجرد المتعة فقط .
وأوضح أنه لم يحصل على أى مستحقات من الزمالك, مُبدياً تقديره لظروف النادى المالية قائلاً " أنا شارى وعارف المشاكل الموجودة وإتعرضت لحاجات أسوء من كده أما كنت موجود " .
وإختتم مجدى تصريحاته بقوله " مفيش مليم هيضيع فى النادى وعمر ماراح عليا فلوس فى الزمالك " .
شاهد الفيديوهات
|
