حرص أحمد عيد عبد الملك نجم نادي الزمالك الاسبق، التعليق على انتخابات نادي الزمالك المنتظر الإعلان عن فتح باب الترشح مجدداً بعد غلق الترشح بسبب تنقية العضويات.
وقال أحمد عيد عبر حسابه الشخصي بموقع التواصل الاجتماعي فيس بوك :
كل الاندية عارفين مواعيد انتخابتهم الا نادي الزمالك لجنة ورا لجنة و حتي المخالفات الي كانو بيقولو عليها مش موجودة واتحكم برجوع المجلس المنتخب هيتنفذ امتي مش عارفين
ياريت سيادة وزير الرياضة يطلع ويفهمنا ليه نادي الزمالك بس الي مبيحصلش فيه الطبيعي و ده من حقنا نعرفه.
احنا من حقنا نستقر زي باقي الاندية و ده الطبيعي احنا عاوزين انتخابات علشان يبقي في استقرار كل العالم شغال كدة علشان نعرف نحاسب المجلس الي موجود و نادي الزمالك كبير و ليه جماهير عريضة و عظيمة و بقالنا ٢٠ سنة في نفس الاوضاع مفيش نادي في العالم يستحمل كم المشاكل دي.
و من حقنا الاستقرار ثم الاستقرار ثم الاستقرار و مش هيجي غير بمجلس منتخب يشتغل و يتحاسب مفيش لجنة مهما كانت هتشتغل زي مجلس منتخب و يا ريت حد يقولنا نادي غير نادي الزمالك محصلش فيه انتخابات ..ارحمو نادي الزمالك !!
