أكد الوزير أشرف صبحى وزير الشباب والرياضة أن انتخابات نادى الزمالك، سيتم تحديد ملامحها خلال هذا الشهر.
وفى تصريحات تلفزيوينه له قال الوزير : ما يهمنا مصلحة نادى الزمالك، فى المقام الاول، وعلشان كدا حتى لو خدنا شوية وقت بسيط مش مهم، المهم مصلحة النادى.
وأوضح : الوزارة بتحترم أحكام القضاء، واحنا بندرس الحكم، ومش هنخش فى جدال على حكم محكمة، الا أننا ندرسه لاتخاذ القرار الانسب لمصلحة النادى.
وأضاف : احنا مش مع حد ضد حد، واحنا مش ضد المستشار مرتضى منصور، احنا بس بندرس الحكم.
وواصل : نحن نريد ضمان أن الانتخابات لا يشوبها اى عوار قانونى، واللجنه الحاليه لديها كافة الصلاحيات فى اقامة الانتخابات.
وأتم : لدينا سقف محدد لموعد اجراء الانتخابات، وهتتعمل يعنى هتتعمل، وزى ما قولت المهم مصلحة النادى.
