أكد محمد صبري نجم الزمالك الأسبق، أنه يتابع الدوري القطري جيدًا قبل انتقال الدولي التونسي فرجاني ساسي إلى صفوف الدحيل القطري والرحيل عن الزمالك.
وقال محمد صبري عبر قناة نادي الزمالك :-
أنا بتابع الدوري القطري من زمان، فرجاني ساسي مع الدحيل القطري فرز تاني ومش مؤثر وجوده زي عدمه هناك، وأنا واثق من كلامي.
الزمالك هو اللي بيعمل من اللاعب نجم والله بعد رحيل فرجاني ساسي متسمعش عنه حاجه، في الزمالك كان واخد وضعه وطارق حامد كان سانده وشايل وراه في وسط الملعب.
في الدحيل مش ظاهر وفي ماتشات بيلعب نص ساعة ثم يتم استبداله، في الزمالك أساسي 90 دقيقة وأساسي منتخب تونس أيضًا المباراة كاملة، ودي رساله لأشرف بن شرقي شوف فرجاني ساسي كان فين ودلوقتي وضعه إزاي ولو كلمت ساسي أنا متأكد أنه هيقؤل أنه ندمان علي رحيله من الزمالك.
