وقال شادي عيسى فى تصريحات تلفزيوينه عبر قناة نادي الزمالك :
كل يوم بصحى على الشائعات في ايه في الزمالك يخليهم يطلعوا شائعات عن فريق الكرة.. هو مفيش غير الزمالك، عيب والله الزمالك فريق كبير وعنده عناصر مميزه ويتم اثارة المشاكل دوما، وكل ما كارتيرون يسافر يتردد خبر وجود عرض له ورحيله عن الفريق
وتابع شادى عيسى: فكرني بأشهر مشهد فى الثورة التونسيه، وهو مشهد المواطن التونسى وهو يردد "بن علي هرب بن هرب".. كل لما كارتيرون يسافر يقولوا كارتيرون هرب او تعاقد مع نادي أخر.
وواصل: الزمالك خسران 5 نقط في أول 5 جولات الناس عاوزين ايه، ومش بيزهقوا كل سفرية مره عرض من الدحيل ومن السد والحزم والترجي محدش عارف هيودوه فين تاني
كل سفرة بحكاية
والله الزمالك خسران من الاهلي5/3 وخسران 5 نقط والدنيا فى الزمالك زي مانتم عارفين وشافين انتم عاوزين ايه تاني.. ولو عاوزين تمشوا كارتيرون قولولنا لان طول مانتم مش مرتاحين احنا مش هنكون مرتاحين لكن كل سفريه بحكاية وعرض،وهروب
واستكمل: الكلام يأخذ منعطف مختلفى أيضا، مثل "في الحقيقة كارتيرون مهربش لكن هو مشي بشكل محترم ورفض يكمل عقده باتشيكو هو اللي هرب واخد علبة الحلاوة وهرب" ، فكرة انه المهم يسيب الزمالك ويمشي انتم شايفين الاداء يعني؟ الاداء محتاج وقفه وخططه الفنيه تتغير شويه الحكاية.
وانتقل شادى عيسى للحديث عن ملف مصطفى محمد قائلا: نعمل عقد تنازلي، هما 30 يوم ونعرف هي جالاتا سراي هتفعل بند الشراء ولا مش هتفعل، كلنا منتظرين احنا محتاحين مصطفى وهو مش على ذمة الزمالك اوي احنا هنستنى جالاتا سراي يقولوا هيفعلوا العقد اولا وفي شهر7 يبعتوا ال4 مليون دولار
لوموصلش الايميل بتفعيل الشراء، لازم الزمالك يشوف حل لعودة مصطفى هو معار ومن حقه يرجع ويتقيد ودليل ده قيد اوناجم وعمر السعيد ومصطفى فتحي، ولوفعلا حسب التقارير للي بتطلع فى الصحافه التركيه المتضاربه مرة فاتح تريم عاوزه ومرة لا
احنا هنستنى ليناير ٢٠٢٢ متفعلش العقد اتمنى الادارة تتحرك بقوه لعودته لاننا فى حاجه لمصطفى لان عندنا بطولة افريقيا اللي مهم نحصل عليها لان المجموعة ده تستطيع الوصول للنهائي والفوز بها ومصطفى محمد هيساعداكتر
بكرة 30 نوفمبر وفى انتظار ان اتحاد الكرة ميقدمش طعن على حكم مركز للتسويه برفع الايقاف عن شيكا، ممكن يقدم طعن ومينفذش القرار برده وممكن شيكا يشتكي ويصعد معرفش شيكا هيفكر ويقول دول مباراتين واكمل الايقاف وكده كده الدوري هيقف لكن اتمنى منه ميعملش ده اتمنى من شيكابالا اسطورة من اساطير الزمالك يدور على حقه
