أكد مرتضى منصور رئيس النادى، انه من الممكن أن يزور مجلس ادارة النادى الاهلى فى القريب العاجل باذن الله.
وتابع : الناس كانت مستنيانى أول مااجى اهاجم مجلس الاهلى، ودا مش هينفع، بلدنا مش مستحملة فتنه وتعصب.
وواصل : فى روح طيبه دلوقتى، انا قدمت بيان تهنئه، وهما قدموا بيان عزاء فى وفاة المستشار جلال ابراهيم، وجه وفد من النادى الاهلى العزاء.
واضاف : اهلا بيهم فى اى وقت لزيارة نادى الزمالك، واحنا هنزورهم قريب ان شاء الله، وانا ضد ما يسمى التحفيل بقلة ادب.
وعن انتقاد بعض الجماهير له بسبب هذه التهنئه قال : انا محدش بيمشينى والصح احنا بنعملة لمصلحة النادى وبس.
هذا الحديث جاء فى الفيديو الذى نشره منذ قليل مرتضى منصور بصحبة لاعب الفريق محمود عبد الرازق شيكابالا.
