عقد مرتضى منصور رئيس مجلس إدارة نادي الزمالك، مؤتمرًأ صحفي مع مسئولي الصفحات الخاصة بالقلعة البيضاء عبر وسائل التواصل الاجتماعي.
وقال مرتضى منصور في حديثه خلال المؤتمر :
ياسيادة الوزير قولنا المخالفات بقى اللي مشيت بسببها، كان كل شوية يطلع يقول القصة في النيابة ما هو مش عارف أصلًا المخالفات فين هيطلع يقول أية.
أزاي مصطفى محمد يمشي من الزمالك بـ 4 مليون دولار، مصطفى محمد يستاهل 10 مليون دولار ده فاكهة مصر بعد محمد صلاح نجم ليفربول.
لو أنت راجل يا حسين ياسميري وعمر الأدهم، تعالوا يوم الخميس مقر النادي، جروس عقده كان منتهي وأنا انتظرته ياخد مستحقاته كان له شهرين ومكافأة الكونفدرالية، اتفاجئت أنه بيلعب كرة بنادي الصيد.
لا نادي الزمالك كبير ياجروس، قدمت فيديو للاتحاد الدولي لكرة القدم "فيفا" وأنه بيلعب مباراة بنادي الصيد، وأساسًأ هو اتحكمله بالشهرين والمكافأة فقط يبقى خسر القضية مكسبهاش.
لجنة العار كذابة، جروس عمل استئناف بعد مجلس الزمالك لما مشي وبردو اتحكمله نفس الحكم.. نيجي لخالد بو طيب ، اللاعب اتصاب مع منتخبه، حجزنه له عند أكبر دكتور، وطبيب الزمالك كان معاه، المفاجأة أن خالد بو طيب رفض يخش غرفة العمليات وطبيب النادي كتب في تقريره أن اللاعب رفض.
معروف يوسف، أحنا مشيناه قبل ما القيد يقفل، اللجنة نسيت أو رفضت تقيده، يبقى مشكلتي أنا كمجلس أزاي، معروف يوسف جالي هو وكيله قبل القيد مايتقفل وطلب مني لو مش هتقيده يمشى فري.
حمدي النقاز أنا قولت أنه نصاب، وقولتهم هيخسر القضية، وخد من اللجنة 7 مليون جنيه، حرام عليكم.. نيجي لشيكابالا دفعنا خمس أقساط للشبونة البرتغالي والقسط السادس الرصيد اتحجز علي الحساب من قبل
أحمد الشناوي الزمالك حصل على الحكم ب 8 مليون جنيه، والمحامي ولجنة العار محضروش أخر جلسة في اللاعب اشتكى واتعافى من المبلغ.
