قررت ادارة النادى الاهلى منذ قليل ايقاف مدرب ناشئين كرة اليد بالنادى الاحمر حتى نهاية الموسم.
وفى اجتماع الادارة الذى انتهى تقرر ايقاف أحمد سمير الجزار، مدرب فريق الناشئين مواليد 2010 حتى نهاية الموسم.
جاء هذا بعدما تم التحقيق فى الواقعه، وتم التاكد ان المدرب حسن السير والسلوك منذ عمله فى الاهلى من العام 2014.
الى جانب ثبوت طلب عدد من اولياء الامور منه تعنيف اولادهم بعض الشيء، حتى يلعبوا بجديه وحماس.
الى جانب انه مارس كرة اليد فى النادى الاهلى، وعلى هذا فقد اكتفت الادارة بقرار ايقافه حتى نهاية الموسم.
ترجع الواقعه الى وجود فيديو لأحمد سمير الجزار وهو يضرب أحد الاطفال بعنف، خلال التدريب، وهو ما قوبل على السوشيال ميديا باستهجان كبير.
وتبقى كلمة بسيطه وصدقونى مش نظرية مؤامره ولا حاجه وبعيداً عن المدرب بشخصه :
بس الفيديو دا لو كان فى الزمالك كانت برامج الرياضة فى مصر طالبت بلجان حقوق الانسان تيجى تحقق فى الوضع، والامم المتحده كمان، وكنا فضلنا نتكلم فيه أيام وليالى عن العنف ضد الاطفال، وازى الولد دا هيعيش بعد الموقف دا وان قوانين الطفوله بتمنع الاعتداء على الطفل، وان التربيه مش بالضرب، ودى رياضة عمرها ما تبقى بالعنف، والنادى دا هو بين اللاعب الثانى، يعنى حاجات كتير بالشكل دا.
