حرص الاعلامي كريم رمزي التعليق على إداء المنتخب الوطني، عقب الخسارة من المنتخب القطري واحتلال المركز الرابع ببطولة كأس العرب.
وقال كريم رمزي عبر حسابه الشخصي بموقع التواصل الاجتماعي فيسبوك :
عارفكم ياللي..
عايز يشوف جيل 2006خلال 3شهور بس مع كيروش .. اللي عايز منتخب مصر يلعب كرة الجزاير والمغرب في 3 شهور ..
عايز يشوف كرة ممتعة فجأة مع جيل كانوا بيقولوا عليه ضعيف.. عايز المدرب يتغير كل 3 شهور ..
عايز تركب ترند بانتقاد طول الوقت.. الناس اللي بتغير كلامها بالنتيجة مش الاداء والمشروع..
عايز لاعيبة بعينها وبعد كدة بيقولوا اصل مالوش بديل، الناس اللي بتشجع فرقها ولاعيبتها مش بتشجع منتخب مصر..
الناس اللي متصورة انها تكسب طول الوقت وكأننا بنلاعب فانلات كرة مش لاعيبة كرة..
الناس بتاعة ده لاعب دولي ولاعب محلي، الناس بتاعة 4-2-3-1 احسن من 4-3-3 علشان اللي نعرفه احسن من اللي منعرفوش..
الراجل مش سامعكم مش شايفكم.. هو بيشتغل بس بيشتغل بيشتغل وبيبص وبيتفرج وبيعلم ويتعلم
عملوا كدة مع ديشامب ولوف قبل ما يكسبوا كاس العالم، المهم ان اللي بياخد القرار يبقى فاهم علشان منلاقيش الراجل مشي بسبب عقلية مشجع بيدير
انا شفت مدربين اجانب ومصريين كتير.. بس تجربة كيروش نفسي تكمل نفسي.
الجدير بالذكر، أن كريم رمزي يقدم حاليا برنامج رقم 10 المذاع عبر القناة الفضائية الأولى
