كشف أحمد الشناوى حارس مرمى نادى بيراميدز والزمالك الاسبق، عن كواليس رحيله عن نادى الزمالك وانضمامه الى بيراميدز.
وعبر تصريحات تلفزيونيه له منذ قليل مع فى برنامج احمد حسام ميدو قال الشناوى :
وافقت على تجديد تعاقدي مع نادي الزمالك، وكنت أعلى راتب بالفريق تقريبا وقتها، وأحترم مجلس الادارة، وناخد في الاعتبار أن قصتي مع الزمالك مش فلوس أو أمور مادية.
وواصل : بالمناسبة ومش مجبر أقول كدة، أنا كنت باخد في الزمالك مبلغ قريب جدا في اللي باخده حاليا من بيراميدز الفرق كان 3 او4 مليون فقط.
وأضاف : كان في نجوم في الفريق ونجوم كبار كانوا بياخدوا اقل مني.
واكمل : اللاعيبه كانت عايزه تجدد بسعر كبير ونفس المبلغ اللي كنت باخده، والمستشار تركي آل الشيخ رئيس بيراميدز وقتها قالي بعمل نادي كبير ف مصر وعاوزك وأنا وافقت.
وأضاف : كان وقتها في حجز على اموال الزمالك وكنت محتاج فلوس لاني كنت مصاب واداري بنادي الزمالك قالي انت الراتب بتاعك عمل مشكله واصرف من فلوسك.
وأتم : اتحاد الكرة وقتها هو اللي عملي العمليه بالاتفاق مع الزمالك وخصموا من مستحقات الزمالك وحسيت ان هاخد وقت طويل فى العلاج.
