وجه مرتضى منصور رئيس نادى الزمالك رسائل قوية الى الثنائى الاعلامى عمرو اديب وأحمد موسى.
مرتضى منصور تحدث قائلا: في ناس عايزة تعمل فتنة بنادي الزمالك، بقولهم مش هتنفع ومتحاولوش حتى في قائمتي هناك المسلم والمسيحي وكلهم حاجة راقية.
وتابع: فيه ناس بتستغل النقطة دي وبتحب تلعب عليها علشان تلم أصوات بس في الانتخابات.
وواصل:نيجي بقى للأخ عمرو أديب، عمال يقولك سيادة الوزير فيه مخالفات، هي فين يا أبني، اللجنة دمرت النادي، ده حتى القضايا بتاعت النادي محدش راح يحضر في أكثر من كدة.
واستكمل مهاجما الاعلامى أحمد موسى قائلا: أحمد موسى عمال يقول غرامة 400 ألف دولار هما فين، اقفل يا أحمد ياموسى وأقفل يامدحت ياشلبي.
واختتم قائلا فى تلك النقطة: في ناس كتير عايزة تخدم نادي الزمالك، دول ناس محترمة، لكن في ناس بتحب تهد نادي الزمالك.
