هاجم مهاجم فريق قونيا سبور التركي ومنتخب مصر، احمد حسن كوكا، أحمد حسام ميدو نجم الكره المصريه الاسبق.
وجاءت البدايه من عند العالمى، عندما انتقد كوكا، وقال: مهاجم متواضع لا يصلح للمستوى الدولي حتى ولو احرز 1000هدف.
وجاء رد كوكا: مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك 29 سنة وكل الناس عارفه ليه.. ثالثا لو رقم الأهداف اللي أنا جايبه شايفه قليل ماجبتوش أنت ليه؟ مع أن اللي بيلعب في نادي أكبر فرصه بتكون اكتر في التسجيل.. رابعًا حاولت تبقي مدرب ومبتكملش شهر في أي نادي.
وأضاف أنا عارف أن أكبر غلط أني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة.
وتابع خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني".
وكان كارلوس كيروش، المدير الفني لمنتخب مصر، قد استبعد أحمد حسن كوكا، من القائمة النهائية لمنتخب مصر المشاركة في كأس أمم إفريقيا، التي ستقام في الكاميرون، خلال الفترة من 9 يناير حتى 6 فبراير المقبلين.
