أعلن اللاعب عبد الله السعيد لاعب نادى بيراميدز ومنتخب مصر اعتزاله اللعب الدولي.
وذلك عقب مشاركته الأخيرة مع منتخب مصر فى بطولة أمم أفريقيا الأخيرة فى الكاميرون والحصول على الميدالية الفضية عقب الخسارة من السنغال فى النهائى.
وكتب اللاعب عبر حسابه على موقع التواصل الاجتماعى تويتر قائلا:
فى البداية كنت اتمنى ان نرجع بالكأس عشان نفرح كل الناس بعد المشوار الطويل فى البطولة لكن قدر الله وما شاء فعل، الحمدلله تشرفت بارتداء تيشرت منتخب مصر وتمثيل بلدى لسنين طويله فى كل المراحل السنية ناشئين وشباب لحد ما وصلت للمنتخب الاول، اشكر كل الاجهزة الفنية والادارية واللاعبين اللى تشرفت بالعمل معاهم فى كل المراحل.
وواصل: والنهارده اعلن اعتزالى اللعب الدولى مع منتخب مصر الاول بعد كل هذه السنين اللى اتشرفت فيها بتمثيل بلدى مصر، قرار كنت محضره من قبل البطوله وكنت اتمنى ان نكون ابطالها عشان تكون افضل ختام لمشوارى الدولى لكن الحمدلله على كل حال، وفى النهايه كل التوفيق لاخواتى اللاعبين والجهاز الفنى الفترة المهمة الجايه وان شاء الله نتأهل لكأس العالم
